செயற்பாட்டாளர் றேமியன் ரூபராஜனின் முயற்சிக்கு கிடைத்த வெற்றி
இலங்கையுடனானா ஆயுத விற்பனையை பிரித்தானியா நிறுத்தவெண்டுமென்ற கோரிக்கையை ஏற்கொண்ட பிரித்தானிய நாடாளுமன்ற உறுப்பினர் Wes Streeting நாடாளுமன்ற விவாத முன்பிரேரணைக்கான (Early Day Motion) மனுவில் கையொப்பமிட்டுள்ளார்.
செயற்பாட்டாளர் றேமியன் ரூபராஜன் மின்னஞ்சல் மூல னின் மின்னஞ்சல் மூல கோரிக்கையை ஏற்று கொண்டே அவர் குறித்த பிரேரணைக்கான மனுவிலும் நேற்றதினம் கையொப்பமிட்டுள்ளார்.
இல்போர்ட் தொகுதி நாடாளுமன்ற உறுப்பினர் Wes Streeting யை கடந்த டிசம்பர் மாதம் சந்தித்திருந்த றேமியன் ரூபராஜன், இலங்கைக்கான பிரித்தானியாவின் ஆயுத விற்பனை குறித்தும் அதனால் தமிழ் மக்கள் எதிர்கொள்ளும் பிரச்சினைகள் குறித்தும் எடுத்துக்கூறி பிரித்தானியாவின் இலங்கைக்கான ஆயுத விற்பனையை தடைசெய்ய அரசை வலியுறுத்த கோரிக்கை விடுத்திருந்தார்.
இதனிடையே குறித்த விவகாரம் தொடர்பில் பிரித்தானிய நாடாளுமன்றில் முன்பிரேரணை கொண்டுவர கையெழுத்து மனு ஒன்று பாராளுமன்ற உத்தியோகபூர்வ இணையத்தளத்தில் ஆரம்பிக்கப்பட்டுள்ளது.
இந்நிலையிலேயே குறித்த மனுவிற்கு ஆதரவு வழங்குமாறு Wes Streeting க்கு றேமிஜன் மின்னஞ்சல் ஒன்றினை அனுப்பிவைத்திருந்தார்.
இதனையடுத்து குறித்த மின்னஞ்சலுக்கு பதில் அளித்த நாடாளுமன்ற உறுப்பினர், வடக்கு கிழக்கு பிரதேசங்களில் 2 இலட்சத்திற்கு அதிகமான இராணுவத்தினரும் பொலிஸார் மற்றும் பயங்கரவாத தடுப்பு பிரிவினர் நிலைகொண்டுள்ளதால் அது அங்கு வாழும் தமிழ் மக்களுக்கு பெரும் அச்சுறுத்தலாக அமையும் என்பதை தான் உணருவதாகவும். எனவே முன்பிரேரணை மனுவில் கையொப்பமிடுவதாகவும் தெரிவித்திருந்தார்.
அந்தவகையில் நேற்றுதினம் முன் பிரேரணைக்கான இணையத்தள மனுவில் நாடாளுமன்ற உறுப்பினர் Wes Streeting கையொப்பமிட்டுள்ளார்.
ஐ.நா ஆயுதவர்த்தக ஒப்பந்தத்தில் மனித உரிமைகளை மீறும் நாடுகளுக்கு ஆயுத விற்பனைகளை செய்வதில்லையென கைச்சாத்திட்ட பிரித்தானியா, தமிழினப்படுகொலை செய்த பேரினவாத இலங்கை அரசுக்கு தொடர்ச்சியாக ஆயுதவிற்பனை செய்துவருகின்றது.
அந்தவகையில் இதனை தடுத்துநிறுத்தும் முயற்சியில் தமிழ் தகவல் நடுவத்துடன் இணைந்து பிரித்தானியா வாழ் தமிழ் இளையோர் சுமார் 6 மாத காலங்களைக்கடந்து தொடர் போராட்டங்களை முன்னெடுத்து வருகின்றனர்.
இதன் பலனாககவே குறித்த விவகாரம் பாராளுமன்ற விவாதத்திற்குட்படுத்தும் முன்பிரேணைக்கான (EMD) 1480 எனும் இலக்கத்தை கொண்ட வாக்குகோரும் தளம் ஒன்று பாராளுமன்ற இணையத்தளத்தில் இணைக்கப்பட்டுள்ளது.
